မြန်မာ့သြဘာလုပ်ငန်းစုအနေဖြင့် ငလျင်ကြောင့် ထိခိုက်ခံစားရသူ ရပ်ရွာလူထုများ နှင့် အတူတကွ ရပ်တည်လျက်ရှိပါသည်။

ထိုသို့ပျက်စီးဆုံးရှုံးမှုဒဏ်ကို ရင်ဆိုင်နေကြရသော မိသားစုများကို စာနာသောအားဖြင့် ရေရှည်ကာလအတွက် လိုအပ်ချက်ဖြစ်လာမည့် ပြန်လည်ထူထောင်ရေးလုပ်ငန်းများတွင် Myanma Awba Group မှ အားဖြည့် ပါဝင်ကူညီသွားမည်ဖြစ်သည်။ ကျွန်ုပ်တို့ မြန်မာ့သြဘာလုပ်ငန်းစုမှ စေတနာရှင်ဝန်ထမ်းများအားလုံးနှင့် ဒေသအသီးသီးရှိ အရောင်းကိုယ်စားလှယ်တော်ကြီးများ စုပေါင်းကာ စတင်ထည့်ဝင်ကူညီမည့် လှူဒါန်းငွေများနှင့်အတူ မြန်မာ့သြဘာလုပ်ငန်းစုမှ ကနဦး မ,တည်လှူဒါန်းငွေ ( ၄ ) ဘီလီယံ ကျပ် ဖြင့် စတင်လှူဒါန်းမည်ဖြစ်ပါသည်။

ငွေကြေးပမာဏဖြင့် အိမ်၊ ကျေစုဆောင်းရရှိသော ာင်း၊ ဆေးခန်းများ ပြန်လည်တည်ဆောက်ရေးနှင့် သောက်သုံးရေရရှိရေး တို့ကို အဓိကထား၍ ရပ်ရွာလူထုများအား ပံ့ပိုးကူညီရန် ရည်ရွယ်ပါသည်။
မြန်မာ့သြဘာလုပ်ငန်းစုသည် လိုအပ်ချက်များကို အကဲဖြတ်ရန်နှင့် ထိခိုက်ခံစားရသူများ အကျိုးရှိစေရန် ရပ်ရွာလူထုများနှင့် ပူးပေါင်းဆောင်ရွက်သွားမည်ဖြစ်သည်။ မြန်မာ့သြဘာလုပ်ငန်းစုအနေဖြင့် ဒေသခံ ထောက်ပံ့ပေးနိုင်သူများနှင့် ပူး‌ပေါင်း၍ လိုအပ်သည့် ပစ္စည်းကိရိယာများအား ဒေသတွင်းရရှိရန်နှင့် မျှော်မှန်းထားသည့် အပြုသဘောဆောင်သော သက်ရောက်မှုများ ရရှိစေရန် သေချာစွာ ဆောင်ရွက်သွားမည်ဖြစ်သည်။